Металург поразен во Нашице

Спротивно на традицијата од претходните натпревари по малку неочекувано, екипата на македонскиот ракометен шампион Металург убедливо го загуби дуелот со Нексе на гостувањето во НАшице со 25-19,ако се има предвид дека во првото полувреме Металург имаше сосема пристојна и достижна негатива од 12-10 и надеж дека во второто може и до пресврт откако на претходното гостување против Мешков во Брест одигра одлични втори 30 минути.Сепак во Нашице се случи токму спротивното , па во 18-те минути од продолжението Металург постигна само 2, а прими десет голови, по што се чини се беше извесно околу победникот и конечниот резултат. До крајот Металург ја ублажи негативата ,но сепак убедливо загуби со 25-19.

Челеби и Ороз со 5 гола беа најефикасни во домашниот состав, а исто толку за Металург постигна Мартин Манасков, но немаше подршка во соиграчите меѓу кои и дел од новите засилувања што резултира и со премногу технички грешки.

Нексе со трите нови бода го презеде 6-тото место на табелата што води во плеј-оф средбите за пласман во полуфиналето на завршниот турнир на СЕХА регионалното натпреварување и до крајот на лигашкиот дел има уште натпревар со Борац кој е следниот противник на Металург в петок, но покрај бодовите со Борац на металурзите се чини неопгодни ќе им бидат и трите бода од последниот натпревар на 15 март со Мешков на домашен терен.