Средба на Јолевски со Жан- Марк Тодешини

Министерот за одбрана Зоран Јолевски денеска во Охрид ќе оствари средба со државниот секретар за поранешни борци и историски настани од Министерството за одбрана на Француската Република, Жан-Марк Тодешини.

 

Целта на посетата е отпочнување на комеморациите за Источниот фронт како дел од одбележувањето на стогодишнината од Првата светска војна, во која речиси 70.000 француски војници ги загубиле  животите.

 

Државниот секретар Тодешини, кој е во посета и на земјите во регионот Грција, Србија, Романија, во  Македонија ќе биде два дена.