Либија: Џихадистите ги погубиле чуварите на нафтеното поле

Џихадистите во Либија откако го нападнале нафтеното поле Ел Гани, ги егзикутирале осуммината чувари. Либијската војска соопшти дека џихадистите при нападот заробиле осуммина чувари и им ги отсекле главите, пренесува Фонет.

Портпаролот на војската Ахмед ел Месмари изјавил дека еден од очевидците на убиствата доживеал срцев удар и починал.

Исламска држава при нападот киднапирала и девет странци, наведува АП. Властите на Филипини и на Австрија потврдиле дека се киднапирани девет нивни граѓани.