Има интерес за нов мандат во лустрациска

Сите  актуелни  лустратори  конкурирале  за  уште  еден  5  годишен  мандат .  Документите  по  пошта  ги  доставил  и  Јанаќе  Витановски , којшто  беше  предлог  на  СДСМ  и  заедно  со  Гешовски  си  поднесе  оставка.  Витановски  недостапен  за  одговор , зошто  ја  сменил  одлуката . Од  СДСМ  не  коментираат , но  уште  еднаш  го  повторуваат  ставот  дека   нема  да  учествуваат  во  изборот  на  новиот лустраторски  тим .

Првиот  човек  на  собраниската  комисијата  Димовски , апелира сите  парламентарни  партии  да  се  вклучат  во  избор  на  квалитетен  тим , којшто  треба  да  го  заврши  процесот  на  помирување.

Не  постои  друга  политичка  партија  во  Собранието и  надвор од  Собранието, освен  СДСМ  којашто фрла сенка врз  процесот досега. Мојата намера и  намерата  на  Комисијата веројатно  ќе  биде да овозможи сите политички партии  да  бидат  вклучени во  овој  процес – изјави Илија  Димовски,  претседател  на  комисијата  за  избори  и  именување.

Либералната  партија за  свој  фаворит  ја  има  екс пратеничката  Ристана  Лалчевска.   За  одлуката  на  СДСМ  велат  не учеството не значи амнестирање  од  одговорноста,  на иста  линија  и   ДУИ.

Прашањето е  дали  ќе  бидете  дел од  тој  процес. Дали  ќе  се  обидете  да  корегирате - доколку  постојат  неправилни  одлуки  или  ќе  оставите  тоа  да  се  случува  покрај  вас -  Ивон  Величковски  од ЛП.

Да  се  обезбеди  континуитет во  работењето. Континуитет во принципите , што  се  воспоставени. Таа  комисија  конечно да  успее  во  таа  голема  мисија  или сопствена  задача којашто е да  придонесе  во  големо  општествено  помирување  со  минатото- Ермира  Мехмети  ДУИ

.ДПА  тактизира .Во  актуелниот  состав  имаат  предложено  еден  член  на  комисијата.  Како  ќе  се  однесуваат  при  изборот  на  новиот  тим  не  откриваат. Комисијата  за  верификација  брои  11- членаод  кои  7  се  предлог  на  мнозинството  , 4  на  опозицијата .Ваквиот  сооднос  според  Димовски не е  законска  обврска  туку  резултат  на  договор.Многу  поважно  од  соодносот  вели  е изборот  на  квалитетни  членови  . За  изборот на   новиот  тим  потребно  е  да  обезбеди  двотретинско    мнозинство . Доколку  првиот  обид  биде  неуспешен , тогаш  62  гласа  при  второто  гласање  ќе  бидат  зелено  светло  за  новиот  лустраторски  тим.

Виолета  Димовска