Трет случај - пронајден мртов соработник на Јанукович
Клучниот соработник на поранешниот украински претседател Виктор Јанукович е пронајден мртов. Ова е трет ваков случај во последните две недели во Украина...
Поранешниот гуверенер на источниот индустриски регион Запорожје Олександр Пеклушенко е пронајден мртов во неговата куќа на село, по фаталната прострелна рана на вратот, јавува агенцијата АФП, а пренесува Танјуг.
Прелиминарниот извештај на истражителот е самоубиство, се наведува во соопштението на украинското Министерство за внатрешни работи. Пеклушенко беше втор важен претставник на власта на Јанукович кој се ,,самоубил“, а третиот наводно се фрлил од 17 кат на една зграда во Киев пред две недели. Пеклушенко беше поранешен претставник на украинскиот парламент и водечки функционер во партијата на Јанукович и му беше одземена титулата гувернер откако Јанукович беше симнат од власт.Тој се обвинува за злоупотреба на службената должност.
Кон крајот на февруари поранешниот украински пратеник Михаило Чечетов погина при пад од 17 кат. Чечетов беше еден од најистакнатите политичари за време на владеењето на Јанукович, кој се соочуваше со кривично пријава за злоупотреба на должноста при обидот да се загушат протестите за рушење на власта на Јанукович.