Ин мемориам- Слободан Гапиќ (1945-2015)

Денеска изутрина почина Слободан Гапиќ, пензиониран продуцент. Целиот свој работен век го мина во Македонската Телевизија, оставајќи зад себе голем продукциски опус.

Спортската програма му беше омилена, како почетен и завршен делокруг од работата, организирајќи ги сложените продукциски проекти како што се шаховската Олимпијада, Светските првенства во кајак и во борење.

Свој силен работен печат остави и во реализацијата на играната и документарната програма.

Неговата професионалност во работата, посветеност кон Куќата и човечноста ќе останат во сеќавањата на вработените во Македонската телевизија.

Слободан Гапиќ ќе биде погребан утре на Градските гробишта Бутел во Скопје, во 13 часот.