НБА
Никс и Денвер се ревитализираат
10.01.2014 10:54
Тие што ја отпишаа екипата од Големото јаболкко, се излажаа, ќе потврди шампионот. Нагетс се во победничка серија, падна и Оклахома, во скромната синоќешна понуда од само два дуела во НБА лигата.
Лузери? Не. Претендент за титулата? Не, се уште. На тимот за кој што се плаќа втората највисока такса за луксуз сезонава во НБА, му требаше половина година да покаже зошто е составен и како ќе ја анимира пбликата во домот на светската кошарка. Медисон Сквер Гарден посведочи на големата победа на Никс, против Хит (102:92).
Тие што ја отпишаа екипата од Големото јаболкко, се излажаа, ќе потврди шампионот. Нагетс се во победничка серија, падна и Оклахома, во скромната синоќешна понуда од само два дуела во НБА лигата.
Лузери? Не. Претендент за титулата? Не, се уште. На тимот за кој што се плаќа втората највисока такса за луксуз сезонава во НБА, му требаше половина година да покаже зошто е составен и како ќе ја анимира пбликата во домот на светската кошарка. Медисон Сквер Гарден посведочи на големата победа на Никс, против Хит (102:92).
(Скоро) секој може да победи секого преку океанот и оваа победа на Њујорк против Мајами не е сензација, но може да биде спас на сезоната, за Никс и за НБА. Се појави нова екипа што може да се вмеша во битката за големиот трофеј, а скапите кошаркари конечно почнаа да ги оправдуваат средствата вложени во нив.
Најстандардниот меѓу неговите, Кармело Ентони постигна 29 поени, со 8 скока и со 5 асистенции. Андреа Барњани додаде 19 поени со 5 скокови, Амаре Стадемаер имаше дабл-дабл од 14 поени и 11 скокови, Рејмонд Фелтон реализира 13 поени со 5 скока и со 14 додавања.
Кога играат сите, барем од оние што се во составот, тешко на противникот па макар се викал и Леброн Џејмс, кој што во својот НБА натпревар број 800-тини имаше 32 поена. Двејн Вејд постигна 23, но ги промаши сите 6 слободни што ги изведе.
Њујорк настапи без казнетиот и од управата и од НБА лигата, ЏР Смит, кој што лудува повеќе од Родман и Артест заедно и чија што судбина во Никс, во моментов е неизвесна. Не играше и болниот Тајсон Чендлер, a кај гостите ги немаше повредените Марио Чалмерс и Шејн Батие.
Никс имаат 4 победи во 5 натпревари во новата година, вклучувајќи ги овој против шампионот Мајами и триумфот против финалистот Сан Антонио. Вкупниот резултат им е 13/22, но Никс се во серија од три победи што е нивна најдолга сезонава и воедно ја прекинаа серијата од три победи на Мајами.
Минатата сезона, Никс ја добија вкупната серија против Мајами со 3:1 на Истокот и имаа втор конференциски резултат на крајот на регуларниот дел од првенството, веднаш зад Хит.
Во другиот меч одигран синоќа Нагетс славеа против Тандер со 88:101, за нивната четврта редоследна победа што доаѓа по незгодната претходна серија, од 8 порази по ред. Ренди Фои постигна 24 поени, што е негов рекорд сезонава подобрен за еден поен од претходниот дуел и победата против Бостон, а патем погоди 6 тројки.
Ова беше прва победа за Денвер против Оклахома, во третиот обид сезонава. Кај поразените, Дјурант постигна 30, во 19-тиот негов меч сезонава со толку или со повеќе поени.
Во најзвучните три пресметки од 12-те натпревари што ќе се одиграат по полноќ, Атланта и Перо Антиќ играат против Хјустон (01:30), во ЛА се игра гратското дерби меѓу Клиперс и Лејкерс и Бруклин му е домаќин на шампионот Мајами.