Груевски во Брисел на самит на Европската народна партија

Премиерот Никола Груевски денеска во Брисел ќе учествува на редовниот Самит на Европската народна партија (ЕПП). На самитот учествуваат шефовите на партии и политички лидери од европската десница, меѓу кои и првите луѓе на Европската комисија и на Европскиот совет, Жан-Клод Јункер и Доналд Туск, како и германската канцеларка Ангела Меркел.

Груевски во Брисел ќе оствари средба и со претседателот на ЕПП, Жозеф Дол. Се очекува Груевски и Дол да разговараат за повеќе актуелни теми и прашања од интерес за Република Македонија и нејзините евроинтеграции.