Вкупно 31 година затвор за обвинетите за кражба во Музејот на Македонија

Вкупно 31 година затвор за седумтемина обвинети за кражба на артефакти од Музејот на Македонија.

Највисока казна доби поранешниот директор на музејот, Перо Јосифовски, кој е казнет со 8 години и 8 месеци затвор. Златарот Часлав Кузмановиќ, кој изработувал реплики на златните експонати е казнет со седум години и осум месеци затвор, а програмскиот директор на Археолошкиот музеј, Златко Видевски со 6 години и осум месеци.

Исчезнувањето на артефактите беше обелоденето во ноември 2013-та година. Осудените му нанесле штета на Музејот на Македонија, во износ од 1,3 милиони денари.