Македонија по чудо против Шпанија за бараж!
Ќе и биде потребно или изненадување, Швајцарија да не загуби од Унгарија или сензација, да освои бод или да го совлада шесткратниот шампион Шпанија...
По скромните 7:6 против Швајцарија, македонската футсал репрезентација ќе мора преку потешкиот пат да се пробие до баражот за Европското првенство следната година.
Ќе и биде потребно или изненадување, Швајцарија да не загуби од Унгарија или сензација, да освои бод или да го совлада шесткратниот шампион Шпанија. Во игра е и трета, реална варијанта, а тоа Унгарија да не слави против Швајцарија со огромна гол разлика, а Македонија да не загуби убедливо од Шпанија.
Нашите футсал репрезентативци утре против црвената фурија ќе играат по дуелот Унгарија – Швајцарија, па ќе знаат која комбинација би им била добитна. Преносот ќе биде на МРТ Собранискиот сервис во 18 часот и 30 минути.