Референдум за изгледот на ГТЦ
Граѓаните на референдум ќе гласаат за или против да се зачува автентичниот изглед на Градскиот трговски центар...
Референдум за Градскиот трговски центар (ГТЦ) ќе има. Вака одлучија советниците на Општина Центар со 12 гласови „за“ и 11 „воздржани“. Граѓаните на референдум ќе гласаат за или против да се зачува автентичниот изглед на Градскиот трговски центар.
Советниците од ВМРО-ДПМНЕ го застапуваа ставот референдумот за изгледот на ГТЦ, да биде распишан на ниво на целата држава, со аргумент дека во неговата изградба учествувале повеќе државни фирми.
Градоначалникот на Центар, Андреј Жерновски, смета дека ГТЦ не треба да се политизира и за тоа треба да одлучат граѓаните на Општина Центар.
На референдумот ќе мора половината од гласачите да изгласаат дека се против барокната фасада за да остане ГТЦ во сегашниот архитектонски концепт.