Реакции: ЕУ за бугарскиот однос кон малцинствата

Европската слободна алијанса (ЕСА) преку својот европратеник Жорди Себастиа, го отвори ова прашање уште еднаш во Европскиот парламент, барајќи од Европската комисија да преземе мерки и да се прекине дискриминаторската политика на Бугарија. 

Имено според соопштението на ЕСА, кое е достапно на повеќе јазици, се вели дека „Бугарија која е веќе 15 години земја-членка на ЕУ,одбива да регистрира член на ЕСА, ОМО Илинден Пирин како легална политичка партија, едноставно поради тоа што го негира македонското малцинство и правото на самоопределување.“

„Бугарија не само што се спротивстави на одлуката на Европскиот суд за човекови права, која ја осуди земјата за дискриминација, туку, исто така, постојано го крши членот 2 од Договорот за ЕУ, како и членовите 21 и 22 од Повелбата за фундаменталните права кои го штитат правото на самоопредлеување и заштитата на малцинствата“, се вели понатаму во соопштенито на ЕСА.

Во одговорот еврокомесарката Вера Јурова, које е одговорна за родова еднаквост и правда, индиректно признава дека „Бугарија ги крши основните принипи на ЕУ“, но притоа истакнува „дека Европската Комисија нема ингеренции да интервенира“.

Во продолжение, ЕСА и Жорди Себастиа истакнуваат дека е многу очигледно, дека Комисијата со тоа што не интервенира кога некоја земја-членка ги прекршува основните Договори на ЕУ како и Повелбата за фундаменталните права, всушност тоа однесување  не е во согласност со своите обврски како „чувар“ на овие документи.

Тони Гламчевски, дописник од Франција за МРТ