Селктирани 14 композиции за Фестивалот на Новосоздадена авторска фолк мелодија „Цветници 2015“

Македонската радио телевизија ја продолжува традицијата на фестивалот  на нови фолк мелодии- во духот на македонската мелопоетска традиција-„Цветници 2015“.

Фестивалскиoт бренд на МРТ во областа на народната музика, од самиот почеток на востановување, уникатен од аспект на форматот со комплетна изведба во живо - „Цветници“ е востановен во 1990-тата година и од самиот почеток претставува предизвик за учество на најреномираните авторски и интерпретаторски имиња од македонската музичка сцена.

Од 2003-та до 2010-та година – поради состојбите со Музичката продукција и оркестрите на МРТ, фестивалот не се одржува.

Во 2011-та година се одржува 13-тото издание кое всушност го навести повторното враќање на оркестрите и сјајот на музичката продукција на МРТ.

Годинава се одржува 16-тото издание на „Цветници“, со натпреварувачки карактер и 14 нови авторски фолк композиции чијшто конечен пласман го одредуваат гласовите од телевоутингот и стручното жири, во однос 50:50 проценти.

И оваа година МРТ доделува три награди, од коишто првата е во висина од 600.000 денари, втората во висина од 450.000 денари и третата во износ од 300.000 денари.

На фестивалот ќе се исполнат 14 композиции на дел од најетаблираните авторски имиња на македонската фолк музичка сцена од реномирани интерпретаторски имиња со Големиот народен оркестар на МРТ.

Директниот пренос од фестивалот „Цветници 2015“ на 28.04.2015 година ексклузивно од Студиото 1, ќе се емитува на првата програма на МТВ со почеток во 20:30 часот.

Селктирани 14 композиции за годинашното издание на „Цветници 2015“