Свеченост на Првата механизирана пешадиска бригада

Првата механизирана пешадиска бригада, најголемата борбена единица на АРМ, ја одбележува годишнината од формирањето.

На свеченоста во гарнизотот Петровец ќе присуствуваат министерот за одбрана Јолевски и началникот на Генералштабот генерал-потполковник Котески.

Со указ на претседателот, за Ден на единицата е одреден 2-ри април, кога е трансформирана согласно новата организациско- формациска структура на АРМ.

Бригадата е целосно компатибилна според стандардите на НАТО, а само во мисијата ИСАФ во Авганистан од нејзините редови учествувале над илјада и 700-ни припадници.