Заев на распит во јавното обвинителство

Лидерот на СДСМ, Зоран Заев, во основното обвинителство за организиран криминал, на распит за случајот поткуп за 200 илјади евра. Според кривичната пријава, градоначалникот на Струмица се товари дека од бизнисмен побарал поткуп за приватизација на градежно земјиште.

Инаку, Заев е и четврто осомничен во случајот „Пуч“. Покрај него се осомничени и екс разузнувачот Зоран Верушевски, неговата сопруга и вработен во Општина Струмица.

Неодамна падна и првата пресуда. Поранешен вработен во МВР го призна делото и доби 3- годишна казна затвор.