„Декември и се бакнавме“ на Паула Бозалонго добитник на „Мостови на Струга“

Шпанската поетеса Паола Бозалонго добитник на наградата „Мостови“ на Струшите вечери на поезијата. Според жирито од 14 пристигнати дела се издвоила книгата „Декември и се бакнавме“ на Бозалонго.

„Песните на Бозалонго изненадуваат со својата конкретност и посредност. Таа користи еден свеж, комуникативен поетски јазик, кој лесно воспоставува контакт и со публиката и со критиката и не случајно нејзината прва книга е во врвтот на листите на најпродавани во Шпанија. Низ загуснат емоционален интензитет го транспонира својот интимен свет низ конкретни и јасни слики“, вели претседателот на Управниот одбор на СВП, Славе Ѓорѓо Димоски.

Книгата, според директорот на СВП, Мите Стефоски, низ 26-те песни поделени во два дела донесува поетски јазик од кој зрачи особен сензибилитет, необременет од некаква вратоломна реторика, екпериментален или метафоричен израз.

„Тоа е поезија која носи рефлексии на извесни несигурности и стравови, неодлучности во потрагата по блискост“, нагласи Стефоски.