Костов: Колективниот договор почеток на нов развој во работењето на МЖ

Потпишан е колективниот договор за вработените во Mакедонски железници- Tранспорт. Раководството и репрезентативните синдикати ги усогласија ставовите за максималните коефициенти, работа за празник и вреднување на ноќниот труд.

Се надевам дека со Колективниот договор ги решаваме сите проблеми од аспект на правата и барањата на вработените. Очекувам Колективниот договор да биде почеток на еден нов развој во работењето на Македонски железници, истакна по потпишувањето генералниот директор и претседател на Управниот одбор, Никола Костов.