„14 часа“ го освои Париз

Македонска претстава го освои срцето на Париз. Публиката со силни аплаузи и овации го награди ансамблот на Македонската опера и балет за изведбата на „14 часа“, кој за прв пат настапи во лулката на балетската уметност.

Висока оценка од критиката и публиката добија уметничките креации на примабалерината Александра Мијалкова и првенецот Васил Чичијашвили.

„14 часа“ е  модерно балетско дело кое е комплетен македонски производ,  со музика на Кирил Џајковски, кореографија на Игор Киров, костими на Александар Ношпал, а режијата и либретото се на Наташа Поплавска.

Гостувањето на МОБ во Париз беше реализирано со  финансиска поддршка на Министерството за култура,  во организација на „Трето уво“ и  фестивалот „Сиа Пари“.