Со премиера на „Медена ноќ“ стартува Скопскиот филмски фестивал

Со премиерата на македонскиот филм „Медена ноќ“ на режисерот Иво Трајков, утревечер во киното „Милениум“, Скопскиот филмски фестивал ќе го прослави полнолетството. До 24-ти април, ќе бидат прикажани над 60 филмови од најновата светска, европска и македонска продукција.

Меѓу нив, публиката ќе има можност да ги види победникот на последниот берлински филмски фестивал „Такси“ на славниот ирански режисер Џафар Панахи, како и добитникот на оскар за најдобар документарен филм за лани, „Граѓанинот Четири“.

Новина на годинашното издание на фестивалот е програмата на хорор филмови, насловена „Повеќе од хорор“, со прикажување на четири исклучителни дела од светската кинематографија.

Специјален гостин на фестивалот е еминентниот ирански режисер, Мохсен Макмалбаф.