Пелистер конечно победи
На стадионот „Гоце Делчев“ во Прилеп, Битолчани после повеќе од половина година успеаја да ја извојуваат 5-та победа во годинешново првенство...
Се одиграа првите два натпревара од 25-то коло на фудбалското првенство на Македонија. Работнички ја совлада Шкендија со 1:0 со голот на Алтипармаковски во 4-та минута од судиското надополнување. Пелистер го порази Тетекс со 3:1. На стадионот „Гоце Делчев“ во Прилеп, Битолчани после повеќе од половина година успеаја да ја извојуваат 5-та победа во годинешново првенство. Претходно, последен пат Пелистер се радуваше на 14 септември 2014 година во Битола,исто така против Тетекс со 3:0!
Утре ќе се одиграат преостанатите три натпревари од ова коло. Вардар ја пречекува Ренова, Хоризонт за противник го има Силекс, а Металург ќе игра против Брегалница.
Прва лига-25 коло
Работнички-Шкендија 1:0
Пелистер-Тетекс 3:1
Утре:
Вардар-Ренова 15.00 пренос МТВ
Металург-Брегалница 16.00
Хоризонт-Силекс 16.00