Средба Груевски- Дол: Поддршка на евро-атлантските интеграции на Македонија

Средба на премиерот Никола Груевски со претседателот на Европската народна партија Жозеф Дол во Брисел. Што побрзо да се изнајде решение за политичката состојба во Македонија и да се деблокира преговарачкиот процес со Европската Унија.

„Се сретнав со господинот Жизеф Дол, претседател на ЕПП и голем пријател на Република Македонија и човек што и посакува добро на нашата држава. Разговаравме на повеќе теми, вклучително и темата за нашите напори за добивање на датум за преговории почеток на преговори за членство во ЕУ. Секако, разговаравме и за актуелните случувања во Република Македонија, за што детално го информирав, а тој покажа голем интерес. Се разбира, негова и цел на сите пријатели на Македонија е актуелните случувања во земјата што побрзо да се разрешат и земјата непречено да ги продолжи своите напори за почеток на преговорите за членство во ЕУ и напредок на тој план“, изјави премиерот Груевски по средбата.

По средбата со Дол, Груевски заминува на состанок со шесте премиери од Балканот кои заедно со еврокомесарот за соседска политика и проширување Јоханес Хан и еврокомесарката за транспорт Виолета Булц ќе разговараат за инфраструктурното и енергетското поврзување спонзорирано од ЕУ.