Бруклин “егал“ со Атланта, Милвоки и Портланд на се предаваат

Кошаркарите на Бруклин по вторпат ја совладаа Атланта со 120 : 115 и израмнија во серијата на 2 : 2. Домашните победија дури по продолжението од 5 минути, благодарение на Дерон Вилијамс кој постигна 25 поени, 5 скокови и 7 асистенции. Освојувачот на две олимписки злата ја одигра најдобрата “плеј оф“ партијапо мизерниот настап во претходните два меча кога погоди само двапати од 15 обиди. Одличен беше и Брук Лопез со 26 поени и 10 скокови, а кај “јастребите“ Перо Антиќ одигра 17 минути и постигна две тројки од 3 обиди и оствари 4 скокови. Во петттиот меч Атланта е домаќин.

Чикаго ги доби првите три дуела против Милвоки, но “елените“ покажаа дека имаат рогови да им се спротивстават на “биковите“ и по вторпат се извлекоа од елиминација, овојпат со победата нагости од 94 : 88. Картер Вилијамс со 22 поена, 8 скокови и 9 асистенции и Мидлтон со 21 поен беа предводници во новиот успех на Милвоки, кој ја врати серијата на свој терен во шестиот меч. Гасол беше на ниво со 25 поени и 10 скокови, но потфрли Роуз со 13 поени и сите 7 промашувања за тројка. Се разбуди и Портланд со победата над Мемфис од 99 : 92. Иако имаа негатива од10 поени, предводени од Дамиен Лилард со 32 поена и 7 асистенции домашните се изборија за намалување на 3 : 1 и прекин на лошата серија сезонава од седум порази. Во тимската игра Олдриџ, Батум и Ленард имаа “дабл дабл“ додека кај гостите најдобар Марк Гасол со 21 поен, 7 скокови и 6 асистенции.