Доделени привремени лиценци за инспекциски надзор
Издавањето на лиценците, според директорот на Инспекцискиот совет Ванчо Каргов, е дел од започнатите реформи на инспекцискиот надзор во државава...
До јули наредната година, инспекторите ќе мора да положат тестови за да добијат лиценца за вршење инспекциски надзор. Дотогаш тие ќе имаат привремени лиценци, врз основа на кои ќе им бидат издадени нови легитимации. Денешниот ден ќе биде прогласен за Ден на инспекторите.
Издавањето на лиценците, според директорот на Инспекцискиот совет Ванчо Каргов, е дел од започнатите реформи на инспекцискиот надзор во државава.
Во тек се подготовки на испитните прашања, а вчера имаше и одлука на Комисијата. Истовремено предвидуваме лицата кои работат на оваа проблематика во наредниот период да одржуваат и обуки за подготовка на инспекторите за полагање испити, однсоно ќе дадеме целосна поддршка на инспекторите за овие испити што треба да се спроведат до јуни наредната година, рече на доделувањето на лиценците, Каргов.
Инспекторите велат дека воведувањето лиценци ќе придонесе за поквалитено вршење на нивната работа.