Брегалница го турна Пелистер кон втората лига

Ден на жалост е, откажан беше скопскиот маратон, а одложени и уште некои спортски настани во првенствените конкуренции, но попладнево се одиграа два натпревара од плеј-аутот во домашниот фудбалски шампионат.

Во очајничките обиди да се спаси од директно испаѓање, Пелистер остана со кратки ракави против Брегалница. Штипјани славеа со 1-0 со голот на Ступиќ пред полувремето и го оставија битолскиот тим на деветтата позиција којашто води во понизок ранг, на четири бода зад Турново. Турновци, пак, и со играч помалку, без исклученио Пандев, го совладаа веќе испаднатиот Тетекс со 2-0 со головите на георгиев во завршните десет минути, со што се зацврстија на местото коешто носи бараж за опстанок.

Потсетуваме, трите натпревари од плеј-офот од оваа викенд-рунда: Шкендија-Вардар, Работнички-Металург и Ренова-Силекс се презакажани за во вторник.