Кери во Сочи на средба со Путин и Лавров

Американскиот државен секретар Џон Кери денеска во Сочи ќе се сретне со рускиот претседател Владимир Путин. На средбата се очекува да стане збор за голем број прашања, меѓу кои и Украина, Сирија и Иран. 

Посетата на Кери на Русија доаѓа во момент на влошени односи меѓу Вашингтон и Москва поради руското влијание во конфликтот во Украина. 

Американскиот Стејт Департмент истакнува дека двете страни одржуваат полни дипломатски односи и дека мисијата на Кери е дел од напорите за поддржување на „отворена линија за комуникација“ со Русија. 

Кери во Сочи ќе се сретне и со рускиот министер за надворешни работи Лавров.