Уапсени високи функционери на ФИФА

Швајцарската полиција уапси во Цирих шест високи функционери од ФИФА. Осомничени се за перење пари и дека примале поткуп од 100 милиони долари за изнуди и измами на американскиот континент во изминатите 20 години.

Покрената е и криминална истрага за местење на Русија и на Катар да станат домаќини на светските првенства во 2018 и 2022.

Акцијата на барање на американските власти се случува пред изборното собрание на ФИФА закажано в петок.

Актуелниот претседател Сеп Блатер не е меѓу уапсените и ќе учествува во трката за петти мандат, со принцот од Јордан, Ал Хусеин, како единствен противкандидат.