Зомимак или Металург?

На домашните ракометни терени останува уште дилемата кој ќе биде второпасиран зад шампионот Вардар, Металург или Зомимак? Струмичката екипа денеска го совлада Радовиш на гости со 35-29 во деветтото коло од Суперлигата во коешто утре Прилеп ќе се сретне со Пролет, а в недела Металург ќе го пречека Вардар (пренос на МРТ Собраниски од 16.30).

На Металург му е потребен најмалку бод од овој меч доколку сака да биде втор и да обезбеди настап во СЕХА лигата наредната година. Ако загуби, Метрлург ќе остане на ист бодовен биланс со конкурентот, а во тој случај Зомимак сам ќе решава за судбината во последното коло во кошто е голем фаворит против Прилеп.

Оваа привилегирана позиција Зомимак ја заработи со подобриот меѓусебен биланс сезонава од Металург.