Експлозија пред канцеларијата на грчки министер во центарот на Атина

15.01.2014 10:43

Доцна синоќа во центарот на Атина пред канцеларијата на грчкиот министер за внатрешни работи Јанис Михелакис експлодирала импровизирана бомба. Во инцидентот нема повредени, но е причинета материјална штета. Михелакис порача дека оние коишто се обидуваат да ја дестабилизираат земјата и да шират страв во општеството се осудени на пропаст, како и дека во земјата има институции коишто ќе се погрижат за тоа.

Доцна синоќа во центарот на Атина пред канцеларијата на грчкиот министер за внатрешни работи Јанис Михелакис експлодирала импровизирана бомба. Во инцидентот нема повредени, но е причинета материјална штета. Михелакис порача дека оние коишто се обидуваат да ја дестабилизираат земјата и да шират страв во општеството се осудени на пропаст, како и дека во земјата има институции коишто ќе се погрижат за тоа. Се уште никој не ја презел одговорноста за нападот.

Во Египет во тек е вториот ден од гласањето на референдумот  за новиот устав. Жителите на Египет се изјаснуваат за нов устав откако пред шест месеци војската го отстрани од власт исламистичкиот лидер Мухамед Морси.

„Ќе гласам  ЗА, бидејќи Египет мора да биде спасен. И потоа ќе гласам Алсиси да биде новиот претседател“.- рече граѓанин

Првиот ден од гласањето мина во услови на засилени мерки за безбедност. И покрај тоа загинаа најмалку 11 лица. Претставниците на Муслиманското братство го бојкотираат гласањето. 

 

Изрелскиот министер за одбрана Моше Јалон јавно му се извини на американскиот државен секретар Џон Кери за своите груби коментари упатени на сметка на неговата улога во блискоисточниот мировен процес. Во официјалното соопштение на Министерството за одбрана, пишува дека тој немал намера да предизвика било каков инцидент и дека Израел и САД делат исти цели во врска со мировните разговори со Палестинците.

 

Десетина пожари предизвикани од удари од гром беснеат низ руралните региони во јужна Австралија. Се очекува високите температури да ја влошат состојбата. Во градот Аделејд се измерени 45 целзиусови степени што е многу блиску до рекордот од 1939 година кога температурата се искачила над 46-иот степен.

„Кога дојдов овде имаше пожар и многу чад, а со оглед на моменталната жештина јасно беше дека ќе биде тешко да се стави под контрола“.

За сега нема извештаи за материјална штета. Најголемиот ризик од ширење на пожарот се очекува в петок, кога метеоролозите најавија силни налети на ветер.

 

Марина Автовска