Во Загреб уапсени членови на „Пинк Пантер“

Во Загреб се уапсени шестмина членови на криминалната група „Пинк Пантер“. Биле државјани на Србија, Хрватска и Црна Гора, а според полициски извори планирале разбојништва во повеќе финансиски институции.

При претресот на становите и гаражите што ги користеле членовите на групата, запленети се бомби, големо количество динамит, оружје и муниција. 

Освен тоа, откриено е дека групата украла три автомобила што требало да ги користат за кражбите, а потоа да бидат запалени.

Загрепската полиција во изминативе неколку недели интензивно ја следела и ја прислушувала групата.