Коцијанчич: Ги очекуваме политичките лидери, состанокот е од огромна важност

Подготовките за престојниот состанок во Брисел се во финална фаза, потврди портпаролката на комесарот Хан, Маја Коцијанчич. Во моментов, Европската Комисија е фокусирана на деталите на договорот  меѓу  поличките партии, односно со потпишување на истиот од страна на премиерот Груевски и лидерот на СДСМ, Зоран Заев, со што би се ставило крај на политичката криза во Македонија.

„Како што реков, ги очекуваме политичките лидери од земјата, да учествуваат на овој состанок- од огроман важност е да учествуваат. Што се однесува до деталите од договорот,  и комесарот Хан лично објасни, дека за некои работи се разговарло и веќе е договорено, но има и бројни прашања за кои допрва ќе се разговара во среда“, изјави Коцијанчич.

Да потсетиме дека минатиот петок комесарот Хан истакна дека целосно и недвосмислено ја подржува оценка на ОБСЕ за минатогодишните избори, во која е неаведено дека изборите се ефикасно спреведени, но и дека има бројни забелешки во изборниот процес.

Со договорот во среда треба да бидат елиминарани условите за нивно повторѕување. Хан додаде и дека очекува политичка и судска разрешница за аферата „Пуч“ и „Прислушување“.

Марина Стојанова- Тонева, постојан дописник од Брисел за МРТ