Заострена дисциплината кон фирмите неплаќачи

Деловниот амбиент постојано се подобрува . Нови фирми  ќе се регистрираат исклучиво по електронски пат за нула денари , а мрежата на овластени регистрациони агенти  постојано  се зголемува.По барање на Коморите рокот за доставување  завршни сметки се продолжува . Државата го заострува односот кон неплаќачите.

,,Не ќе можат да купат или пренесат удел на фирма  лица  што должат  данок или пак царина и се на црниот список .” - најави  министерот за економија Ваљон Сараќини.

Најдобра потврда за виталноста на домашната економија е бројот на новорегистрирани фирми  кој лани е двојно поголем во однос на  бројот на затворени . Од вкупно регистрирани 103 илјади фирми во земјава, активни се меѓу 70 и 80 илјади, што редовно доствуваат завршни сметки до Централниот регистар.Во постапка на бришење се околу 37.000  фирми кои не се активни 3 и повеќе години ,  најчесто со блoкирани сметки .УЈП го утврдува нивниот   правен  статус и за две-три недели јавно  ќе биде објавен   списокот.

Се дополнува Законот за стечај  и  во иднина електронски   ќе се избираат стечајни управници ,а на ист начин ќе се продаваат и делови од стечајната маса. Рокот за затворање бизнис во нормална постапка  е двојно скратен  од 45 на само 22 дена . 

Свето Николовски