Металург не се откажува од елитата

Откако ја преживеа една од најтешките сезони во поновата клупска историја, Металург не се откажува од играњето во Лигата на шампионите. Екипата од Автокоманда и официјално аплицираше за специјална покана и ги исполни сите административни формалности.

Металурзите се надеваат дека ЕХФ ќе го респектира нивното реноме создадено минатите сезони, но за поворно да бидат дел од ракометната елита ќе мора да формираат и квалитетен тим способен да одговори на предизвикот.

Во него нема да биде Никола Митревски кој е нов голман на португалска Бенфика. Засилувањата пак, се очекуваат наредните денови.