Во Куба за прв пат безжичен интернет

Кубанскиот државен телекомуникациски оператор Етекса објави дека од јули ќе отвори 35 зони за платен бежичен интернет достапен за граѓаните. Такво нешто ќе се случи за првпат во држава каде пристапот до интернет е целосно контролиран.

Пет од тие зони ќе бидат во Хавана, а останатите во други големи градови. Засега не е јасно какви тарифи ќе се определат за бежичен интернет.

Државниот оператор ќе ги намали тарифите на интернетот на 2 долара за еден час од претходните 4,5 долари. Месечната плата во просек во Куба е нешто под 20 долари.