„Електра“ на МНТ најдобра претстава на „Војдан Чернодрински“

Претставата „Електра“ во режија на Андри Жолдак во изведба на МНТ од Скопје е најдобра претстава во целина на 50-тиот МТФ „Војдан Чернодрински“, соопшти фестивалското жири, во состав Ѓорѓи Јолевски (претседател) и членовите Тони Михајловски и Илбер Муртези.

„Електра“ доби уште четири награди: за најдобра режија - за Андри Жолдак; за најдобра женска главна улога - за Дарја Ризова за улогата на „Електра“; награда за женска епизодна улога - за Ѕвездана Ангеловска за улогата на Клитемнестра и награда за млад актер „Трајко Чоревски“ - за  Александар Ѓорѓиоски за улогата на Орест во оваа претстава.

Според претседтаелот на жирито Ѓорѓи Јолевски, одлуката за најдобрата претстава била едногласна.