Нови случаи на Ебола во Сиера Леоне

Два нови случаи на Ебола се регистрирани во Фритаун, главниот град на Сиера Леоне, само неколку недели откако беше објавено дека е искоренет вирусот.

Здравствените власти стравуваат од нова епидемија бидејќи заразените се забележани во густо населени предградија.

Еболата се уште коси во северниот дел од земјата и во соседна Гвинеја. Либерија прогласи победа над заразата во мај, по 42 дена поминати без нови случаи.

Од епидемијата на Ебола за година и половина починаа над 11 илјади луѓе.