Расплет во Б групата

Англија нокаутирана, пирова победа на Италија, Португалија и Шведска се пробија во полуфиналето! Драматична  и неизвесена беше завршницата од „Б“ групата на Европското првенство за селекции до 21 година што се игра во Чешка. Сите четири селекции влегоа во третото коло со шанса да истрчаат и во полуфиналето.

„Аѕурите“ во Оломуц одиграа одличен меч против Англија, победија со 3:1, го исполнија првичниот услов кој на крај се покажа како недоволен за радост.

Губитници се и Англичаните, кои ако останеа непоразени  ќе станеа  дел од завршната четворка. Мечот меѓу Португалија и Шведска, кој се играше истовремено во Ухерске Храдиште  заврши нерешено 1:1. Резултат кој им конвенираше на двете селекции.

Португалските надежи имаа добра контрола врз резултатот, поведоа со 1:0, а Шведска  успеа да постигне израмнувачки гол, вреден пласман  во полуфиналето.Со ист број на бодови решавачка беше победата на „викинзите“ во меѓусебниот натпревар со Италија.

Првенството ќе продолжи на 27-ми јуни со двата полуфинални меча. Во Оломуц ќе играат Португалија и Германија, а во Прага е скандинавската битка меѓу Данска и Шведска.

„Б“ група -3 коло:

Италија-Англија 3:1

Португалија-Шведска 1:1

Табела:

1.Португалија     5

2.Шведска           4

3.Италија            4

4.Англија           3