Фестивал на музички документарни филмови во Скопје

За прв пат годинава ќе се одржи Фестивалот на музички документарни филмови –„Скопје синема сити“ што е дел од манифестацијата „Скопско лето“.  Стартува на 1-ви јули, а се одржува под мотото „Филмови, музика и вино“. Ќе бидат прикажани 13 документарни музички филмови, од домашна и од странска продукција.

„Идејата е на различни локации во градот да се поставуваат кина и со тоа да се збогати филмската понуда. Главен акцент е даден на музиката. Фестивалот е замислен како платформа каде главна тема е музиката“, изјави уметничкиот директор, Ненад Георгиевски.

Фестивалот ќе биде отворен со изложба на фотографии со Дејвид Боуви, во присуство на авторот, британскиот фотограф Брајан Рашиќ. Изложбата е поддржана од Министерството за култура.