Силни безбедносни мерки за посетата на Меркел на Тирана

Германската канцеларка Ангела Меркел ја почнува балканската турнеја со посета на Албанија. Тирана е под засилени безбедносни мерки, идентични како тие при посетата на папата Франциск лани и на српскиот премиер Вучиќ во мај.

Низ градот се распоредени над 1.500 полициски службеници од сите сектори, сообраќајот ќе биде запрен низ неколку улици и градот ќе го надлетуваат хеликоптери.

Меркел по Албанија ќе ги посети Србија и Босна и Херцеговина.