Вучиќ ќе ја претставува Србија во Сребреница

Српскиот премиер Александар Вучиќ ќе ја претставува Србија во Сребреница на 11-ти јули, реши едногласно владата во Белград на вчерашната вонредна седница. Советот за безбедност на Обединетите нации денеска расправа за нацрт-резолуција, по повод 20-годишнината од масакрот во Сребреница.

Документот го осудува злосторството и повикува на напори што ќе помогнат во спречување на геноцидот во иднина.

Српските лидери во Босна одбиваат случувањата во Сребреница да бида категоризирани како геноцид. Многу е веројатно нацрт-резолуцијата да добие руско вето.