Амбасадорот Бејли го поздрави вчерашниот договор

Американскиот амбасадор во земјава Џес Бејли, поздравувајќи го вчерашниот договор за надминување на политичката криза, изјави дека Македонија треба да продолжи по патот на реформите и евроинтеграциите. Останува безрезервната поддршка на САД.

„Македонија победи. Сакам да ги пофалам лидерите што постигнаа договор синоќа и ги ставија граѓаните пред политичките интереси на партиите. Самиот договор ќе значи многу работа и исполнувањето  на одредбите од тој договор ќе значи дека Македонија силно ќе се придвижи кон НАТО и ЕУ“, изјави Бејли по предавањето на донацијата од САД за македонското МВР.