Муцунски: Граѓаните сакаат конкретна програма

Граѓаните знаат да препознаат која политичка опција работи во нивни интерес, кога има конкретна програма кон подобрување на животниот стандард- вели   аналитичарот Тимчо Муцунски. За него не изненадува фактот што во многу изборни циклуси граѓаните ја дале поддршката за ВМРО-ДПМНЕ. Смета дека во тоа се темели и оптимизмот на премиерот Груевски за победа на престојните избори.

„Се работи за конкретна програма со зацртани рокови која граѓаните ја прифаќаат, имаме реализација, ја гледаме на дело преку разните технолошко-индустриски развојни зони. Радува и фактот што ВМРО-ДПМНЕ не дејствува само врз таа програма туку се утврдуваат недостатоци во системот и се дејствува“, смета аналитичарот Тимчо Муцунски.

Граѓаните знаат да проценат која партија работи во нивни интерес за подобар живот, но и за стратешките интереси како што се евроатланските интеграции..

„Секоја добра изборна програма е добра доколку во нејзе имаме конкретни проекти на зацртани рокови, што го гледаме кај ВМРО-ДПМНЕ.Не  е поентата да се дејствува како што досега правеше опозицијата со програми кои што се апстракни и кој ветуваат подобрување на економија, на демократија, но не му идат конкретно. Граѓаните се навикнати и сакаат да видат работи кои се  во нивни интерес на подолг рок. Можеби е задоцнето“, вели Муцунски.

Муцунски смета дека економијата била на удар од политичката криза, но проектите не биле запрени.

Наташа Гркова- Петрушевска