Реконструкција на училиштата во Општина Илинден
Во основното училиште „Браќа Миладиновци“ од први септевмври првачињата ќе учат во нови простории...
Летово интензивно се работи на обнова на училишните објекти низ Градот Скопје. Градежни активности се одвиваат и во Општината Илинден. Во основното училиште „Браќа Миладиновци“ од први септевмври првачињата ќе учат во нови простории.
Има нови училници, помошни простории и тоалети. Сега се работи на замена на покривот. Целата инвестиција е вредна 11 милиони денари. Се подобруваат условите за настава и во останатите училишта во Општината Илинден.
Покрај инвестициите во инфраструктурата, се решава и проблемот со невработеноста кај просветните работници. Заменик- министерот Спиро Ристовски кој беше во посета на Илинден рече дека досега се реализирале 8.000 трансформации на работниот однос во образованието.
Согласно измената на Законот за работни односи во 2009-та година, трансформација на работен однос од определено на неопределено време започна да се врши на лица кои работат најмалку 5 години, а потоа тој услов се намали на 2 години стаж.
Викторија Милевска