Пожарите во Хрватска и во БиХ ставени под контрола

Цела ноќ над сто пожарникари се бореа со пожарите на Корчула и на Пељешац, но уште гори на повеќе локации. Зафатен е непристапен терен, се чека доаѓање на авионите за гаснење.

Огнот проголта 500 хектари шума и земјиште и беше видлив на сателитските снимки. Поради оштетени далноводи, без струја се делови од Трстеник и Пијавичино.

Во Босна и Херцеговина пожарите се ставени под контрола откако во гаснењето се вклучи и војската со хеликоптери. Гори уште на неколку непристапни места, но куќите не се во опасност.