Почнува расправата по ребалансот на Буџетот

Во Собранието денеска почнува расправата по предложениот ребаланс на буџетот за годинава, што владата го усвои во петокот. Целта е да се обезбеди засилена развојна компонента и задржување на социјалната стабилност, а причина се вишокот средства од над 10 милијарди денари во првите шест месеци од годинава.

БДП-то за 2015 година е ревидирано на 3,5 процентен раст, а буџетскиот дефицит ќе изнесува 3,6 проценти од БДП. Се издвојуваат дополнителни 1,2 милијарди денари за повеќе проекти - забрзување на изградбата на гасоводот Клечовце – Штип, изградба на водоводи и канализации, училишта и спортски сали и за реновирањето на студентскиот дом „Гоце Делчев“.

Предвидени се средства за зголемување на студентските стипендии, социјалната помош и за најавеното зголемување на пензиите во октомври.