Расправа за ребалансот на буџетот

Во матичната собраниска комисија во тек е продолжението на Амандманската расправа за ребалансот на буџетот за 2015. Во саботата беа поднесени над двесте амандмани од пратеничката група на ДПА и независната пратеничка Роза Топузова Каревска.

Според вицепремиерот и министер за финансии Зоран Ставрески, причина за ребалансот на буџетот за 2015 година се остварените повисоки приходи кои со ребалансот се преточуваат на расходната страна за политики, мерки, активности и проекти кои беа најавени.

Ставрески тврди дека нема да има кратење кај ниту еден буџетски корисник, туку со ребалансот ќе се интензивира реализацијата на повеќе проекти, меѓу кои гасификацијата, изградбата на водоводи и канализации, изградба и реконструкции на училишта и слично.

Со ребалансот на буџетот се обезбедуваат и дополнителни средства за мерките и политиките во делот на социјалната заштита на населението.

Расправата  треба да заврши за 10 работни денови.