Помалку венчавки во Лас Вегас

Лас Вегас го посетуваат се поголем број туристи, но се помал број двојки се одлучуваат во него и да се венчаат.

Бидејќи Лас Вегас, меѓу другото, е познат и по венчавките, овој проблем градот го чини околу милијарда долари годишно.

Од 2004 година бројот на венчавки е во константен пад. Тогаш, имено, 127.000 двојки си го кажаа судбинското „да“, но минатата година се регистрирани само 80.000 венчавки.

Државата Невада најмалку во светот инсистира на бирократија околу венчавките и разводите.

Така во Лас Вегас постојат многу капелички во кои е можно „брзо“ венчавање. Во нив услугата е инстантна - на првиот шалтер се издаваат дозволи од државата Невада за венчавката, на вториот се пријавуваат сведоците и се договара текот на церемонијата, а на третиот  се уплаќаат околу 200 долари...

По церемонијата, документите се испраќаат во земјата на потеклото на младенците и тие - ако во нивната земја со закон им е дозволено да стапат во брак - навистина и ќе бидат венчани, без разлика на тоа што тој чин го извршил некој кој го имитира Елвис Пресли, кралот Артур или свештеник во гаќи за капење.

Слично на тоа, во капеличките е можен и брз и евтин развод.

Малку полуксузниот пакет за развод вклучува и свечена вечера на која поранешната брачна двојка се разијдува со зачувано пријателство.