Тензично во Турција, денеска вонреден состанок на НАТО

Нов терористички напад во Турција. Овој пат цел бил гасовод во пограничната област агра на Турско- иранската граница. Министерството за енергетика соопшти дека експлозијата предизвикала голем пожар, кој е локализиран, но во прекин е дотурот на гас. Локалните медиуми информиираат дека нападот го извршила Курдската работничка партија, која и во минатото правела саботажи од овој вид.

Инцидент и во областа Мус. Вооружена група го нападнала  автомобилот на командантот  на полицијата, кој по престрелката им подлегнал на повредите.

Во меѓувреме претставници на САД и на Турција постигнале договор со заеднички сили да ја неутрализираат Исламска држава од северниот дел на Сирија, при што би се создала безбедна зона за илјадници бегалци и ќе се прекине рутата преку која џихадистите се снабдуваат со оружје.

Договорот следува по зголемувањето на тензиите во регионот. Турскиот министер за надворешни изјави дека Советот за  безбедност и генералниот секретар на Обединетите нации се информирани за воените дејствија на официјална Анкара.

И претседателот Еердоган најави решителна борба против тероризмот, без можност за отстапки. По барање на Турција, денеска 28-те земји членки на НАТО на вонреден состанок ќе разговараат за безбедносната состојба на Турско-сириската граница. 

Марија Петковска