Се зајакнуваат капацитетите на болницата во Велес

40 лекари од велешката болница се на едукација во странство, ќе биде набавена и нова опрема во вредност од над 6 милиони денари. Целта е да се зајакнат капацитетите на болницата и да се намалат упатувањата на пациенти на скопските клиники.

Само во последните шест месеци од Велес на скопските клиники биле упатени 4.250 пациенти, најмногу во специјалностите гастро, урологија, дерматовенерологија и неврологија.