Евтините кредити отворија 6.300 работни места

Евтините кредити преку Европската инвестициска банка отвориле над 6.300 работни места. Поддржани вкупно 1.522 проекта.

Македонската банка за поддршка на развојот (МБПР) ги презентираше последните податоци. Од идниот месец на компаниите ќе им бидат ставени на располагање уште 10 милиони евра од новата транша. Досега  малите и средните бизиниси искористиле 60 насто од средствата од четвртата линија во износ од 100 милиони евра. Повлечени се шест транши во износ од речиси 62 милиона евра.

Со четвртата кредитна линија досега се финансирани 303 проекти и отворени 1.041 работни места. Парите се дел од четирите кредитни линии вредни 350 милиони евра, евтин капитал со ниска камата за зголемување на ликвидноста на компаниите.

Викторија Милевска