Еден работник загина, еден тешко повреден во фабрика за мермер во прилепско

Еден работник почина и еден е тешко повреден во фабриката за мермер „Ла Бисчина“ во прилепското село Ново Лагово. Несреќета се случила вчера околу 18 часот, пред атељето за преработка на гранит и мермер, при истоварање на гранитни плочи од товарно моторно возило.

Плочите се навалиле и паднале врз двајца работници. Едниот работник починал на самото место, а другиот се здобил со тешки повреди и бил префрлен во Медицинскиот центар во Прилеп.

Прилепската полиција веднаш излегла и извршила увид. Информираат дека се работи на целосно расчистување на настанот.